شہر قائد میں آتشزدگی کا ایک اور واقعہ پیش آیا ہے، خوش قسمتی سے کوئی جانی نقصان نہیں ہوا۔ لیاقت آباد تین ہٹی کے قریب جھگیوں میں آگ لگ گئی، جس نے دیکھتے ہی دیکھتے شدت اختیار کرلی، آگ کے باعث دور دور تک آسمان پر سیاہ بادل دکھائی دینے لگے۔آتشزدگی کی اطلاع فوری طور پر فائر بریگیڈ کو دی گئی جو حسب روایت تاخیر سے پہنچی اور امدادی کاموں کا آغاز کیا، آگ کی شدت کو مد نظر رکھتے ہوئے مزید دو فائربریگیڈ گاڑی کو طلب کیا گیا۔بعد ازاں فائربریگیڈکی 3 گاڑیوں نے قابوپایا، آگ لگنے سے متعددجھگیاں جل گئیں تاہم کسی قسم کا جانی نقصان نہیں ہوا۔