کرتارپور میں بھارتی سیاست دان اور سابق کرکٹر نوجوت سنگھ سدھو نے دربار صاحب پہنچ کر مذہبی رسومات ادا کیں۔نوجوت سنگھ سدھو کرتارپور آمد راہداری سے پاکستان آئے ۔ نوجوت سنگھ سدھو کی پاکستان آمد کا مقصد بابا گرونانک کے جنم دن کی تقریبات میں شرکت کرنا ہے۔ جبکہ بھارت سے آئے 3000سکھ یاتری بھی مذہبی رسومات کی ادائیگی میں مصروف ہیں۔ سکھ یاتریوں نے پاکستان کی جانب سے کئے گئے انتظامات پر بھرپور اطمینان کا اظہار کیا ہے۔سکھ یاتریوں کی سہولت کیلئے 30نومبر تک 10دن کی پیشگی اطلاع کی شرائط میں نرمی کی گئی ہے۔