لاہور(نامہ نگار)  انچارج نویسٹی گیشن تھانہ سمن آباد خالدیعقوب گورسی کی سربراہی میں پولیس ٹیم نے ڈکیتی اورچوری کی درجنوں وارداتوں میں ملو ث اسد اللہ گینگ کے سرغنہ مصری شای کے رہائشی اسد اللہ کو ساتھی سمن آباد کے رہائش فاضل سمیت گرفتارکر کے لاکھوں روپے مالیت کے طلائی زیورات،3لاکھ روپے نقدی، موبائل فون،دیگر قیمتی سامان اور ناجائز اسلحہ برآمدکرلیا ہے۔خالدیعقوب گورسی نے بتایاکہ ملزم گن پوائنٹ پر وارداتوں کے دوران شہریوں کو نقدی اور دیگر اشیاء سے محروم کر دیتے تھے۔ملزم سابقہ ریکارڈ یافتہ ہیں جو متعدد بار گرفتار ہو کر جیل جا چکے ہیں۔ ملزمان نے ڈکیتی اور چوری کی متعدد وارداتیں کرنے کا اعتراف کیا ہے۔ ایس پی انویسٹی گیشن اقبال ٹاؤن آفتاب احمد پھلروان نے انچارج نویسٹی گیشن خالدیعقوب گورسی اور ان کی ٹیم کو شاباش دی ہے اور ٹیم کیلئے نقد انعام و تعریفی اسناد کا اعلان کیا ہے۔