کراچی (سپورٹس رپورٹر) قومی کرکٹ ٹیم کے سابق کپتان شعیب ملک اور ان کی اہلیہ ثانیہ مرزا علیحدگی کی خبروں اور افواہوں کے بعد بالآخر پہلی بار ایک ساتھ نظر آگئے۔ سٹار جوڑی کے نئے آنے والے شو کی شوٹنگ سیٹ کی تصاویر اور ویڈیو وائرل ہو رہی ہیں جس میں ثانیہ شعیب کو ایک دوسرے کے ساتھ سیٹ پر مختلف پوز میں دیکھا جا سکتا ہے۔ سوشل میڈیا پر ایک مداح نے تبصرہ کرتے ہوئے لکھا کہ کیا  طلاق کی افواہیں صرف شو کی اچھی ٹی آر پی کیلئے تھیں؟۔ اگر طلاق کی خبر جھوٹ ہے تو سن کر بہت اچھا لگا۔ ایک مداح نے لکھا یہ سب سچائی ہے یا ہمیں پاگل بنایا جا رہا ہے۔ دوسرے نے لکھا اللہ جوڑی سلامت رکھے۔ کسی نے لکھا یہ تو پرینک ہو گیا‘ تو کسی نے طلاق کی خبر کو نئے شو کیلئے پبلسٹی اسٹنٹ قرار دے دیا۔