دفاعی نمائش آئیڈیاز 2022ئ، فضائیہ سٹال فاتح قرار، انعام دیا گیا 

اسلام آباد (خصوصی نامہ نگار) پاک فضائیہ کے این اے ایس ٹی پی سٹال نے آئیڈیاز-2022ء نے کامیابی کے جھنڈے گاڑ دئیے۔ ترجمان  کے مطابق بین الاقوامی دفاعی نمائش و سیمینار، آئیڈیاز-2022ء کا گیارھواں ایڈیشن کراچی ایکسپو سینٹر میں اختتام پذیر ہوا۔ پاک فضائیہ کے نیشنل ایرو سپیس سائنس اینڈ ٹیکنالوجی پارک پروجیکٹ این اے ایس ٹی پی سٹال کو تقریب میں 'سب سے زیادہ سجایا گیا اور  انعام سے نوازا گیا۔ پروجیکٹ نے آئیڈیاز 2022ء کے چار روزہ شو کے دوران مہمانوں اور غیر ملکی معززین سے خوب داد وصول کی۔ آئیڈیاز 2022ء میں شامل ہونے والے 64 ممالک کے 285 غیر ملکی وفود اس نمائش کی بین الاقوامی اہمیت کی عکاسی کرتے ہیں۔ آئیڈیاز-2022ء میں این اے ایس ٹی پی  کی کامیابی،  اس سنگِ میل کی جانب سفر کا محض ایک آغاز ہے جو آنے والی دہائیوں میں یہ منصوبہ عبور کرے گا۔ اس میگا ایونٹ نے پاک فضائیہ کے قومی سطح کے منصوبوں کو مختلف ممالک  سے تعلق رکھنے والے مہمانوں سے متعارف کروانے کا موقع فراہم کیا اور غیر ملکی دو طرفہ دفاعی تعاون کی بھی حوصلہ افزائی کی۔