قائداعظم انڈسٹریل اسٹیٹ: شو کمپنی ہیڈ آفس میں آتشزدگی لاکھوں کا سامان خاکستر 

لاہور (نامہ نگار) قائد اعظم انڈسٹریل اسٹیٹ میں ایک جوتا ساز کمپنی کے ہیڈآفس میں آتشزدگی سے لاکھوں روپے مالیت کا سامان جل کر تباہ ہو گیا ہے۔ تفصیلات کے مطابق قائد اعظم انڈسٹریل اسٹیٹ میں ہمدرد چوک کے قریب ایک جوتا ساز و فروخت کرنے والی کمپنی کے ہیڈآفس میں گزشتہ روز پراسرار طور پر آگ لگ گئی۔ جس نے پورے آفس کو اپنے لپیٹ میں لے لیا۔ آگ کی زد میں آکر سے لاکھوں روپے مالیت کا سامان جل کر تباہ ہو گیا ہے جبکہ علاقے میں شدید خوف و ہراس پھیل گیا ہے۔ اطلاع ملنے پر ریسکیو ٹیموں نے موقع پر پہنچ کر آگ پر قابو پالیا ہے۔ آتشزدگی سے لاکھوں روپے مالیت کا سامان اور آفس ریکارڈ جل کر تباہ ہو گیا جبکہ کسی جانی نقصان کی اطلاع نہیں ملی ہے۔