قصور(نمائندہ نوائے وقت)ڈی پی او سید عمران کرامت بخاری نے متعدد ایس ایچ اوز کے تقرروتبادلے کے احکاما ت جاری کردئیے۔ حکم کے مطابق انسپکٹر محمد آصف پولیس لائن قصور سے ایس ایچ اوتھانہ الٰہ آباد جبکہ سب انسپکٹر ادریس چدھڑ پولیس لائن قصور تعینات اورانسپکٹر خورشید پولیس لائن سے تھانہ صدر پتوکی جبکہ انسپکٹر ملک طارق انچارج سی آئی اے ضلع قصور تعینات ‘ انسپکٹر طارق محمود ڈوگر ایس ایچ او تھانہ تھہ شیخم جبکہ سب انسپکٹر محمد ارشادپولیس لائن قصور تعینات،سب انسپکٹر راحیل خاں ایس ایچ او تھانہ سٹی چونیاں جبکہ سب انسپکٹر جاوید اقبال پولیس لائن قصور تعینات،سب انسپکٹر ثقلین بخاری ایس ایچ او تھانہ سٹی پتوکی ‘ سب انسپکٹر معروف خاں پولیس لائن قصور تعینات ‘ سب انسپکٹر محمد شریف ایس ایچ او تھانہ صدر چونیاں جبکہ سب انسپکٹر محمد عرفان کو پولیس لائن قصور تعینات کر دیا گیا۔