نواب شاہ(محمداسلم منیر نامہ نگار) کراچی سے سیالکوٹ جانیوالی علامہ اقبال ایکسپریس نواب شاہ ریلوے اسٹیشن پہنچی تو نوجوان کھانا لینے کیلئے پلیٹ فارم پر اترا ،اسی اثناء میں ٹرین چل پڑی چلتی ٹرین میں سوار ہونے کی کوشش کے دوران پائوں پھسل جانے کے باعث ٹرین اور پلیٹ فارم کے درمیان گر گیا اور ٹرین کے پہیوں میں آکر شدید زخمی ہوگیا ریلوے پولیس نے اسے شدید تشویش ناک حالت میں پہنچایا مگر وہ راستے ہی میں دم توڑ گیا 26 سالہ نوجوان محمداکرم ولد محمداسلم سرجانی ٹائون کراچی کا رہائشی تھا اوروہ اپنی نئی نویلی دلہن کے ہمراہ ہنی مون منانے کیلئے اپنے عزیزوں پاس خانیوال جارہا تھا ،جاں بحق نوجوان کی دلہن اور دیگر رشتہ داروں پر غم کے مارے غشی کے دورے پڑنے لگے ریلوے اسٹیشن پر رقت انگیز مناظر دیکھ کر ہر آنکھ اشک بار ہوگئی۔