تربت (نوائے وقت رپورٹ) بلوچستان میں ضلع کیچ کے علاقے بالگتر میں سڑک کنارے نصب بم کے دھماکے میں تین افراد جاں بحق ہو گئے۔ ذرائع کے مطابق دھماکے میں ایک گاڑی کو نشانہ بنایا گیا اور جاںبحق افراد اسی گاڑی میں سوار تھے۔ جاں بحق افراد کا تعلق بالگتر سے بتایا جاتا ہے جن میں دو بھائی بھی شامل ہیں۔ واقعے کی اطلاع ملتے ہی سکیورٹی فورسز موقع پر پہنچ گئیں۔ پولیس نے دھماکے کے محرکات کے بارے میں تحقیقات کا آغاز کر دیا ہے۔