لاہور(سپورٹس رپورٹر) پاکستان باسکٹ بال فیڈریشن کے زیر اہتمام نیشنل مینز باسکٹ بال چیمپئن شپ کا آغاز آج سے لاہور میں ہوگا۔ پاکستان باسکٹ بال فیڈریشن کے سیکرٹری جنرل خالد بشیر کے مطابق گورمنٹ کالج یونیورسٹی میں کھیلی جانیوالی پانچ روزہ چیمپئن شپ میں شریک8 بہترین ٹیموں کو دو گروپس میں تقسیم کیا گیا ہے۔ پول اے میں دفاعی چیمپئن آرمی، پاکستان آرڈیننس فیکٹریز (‘ ایئر فورس، فیصل آباد جبکہ پول بی میں واپڈا، لاہور، نیوی اور اسلام آبادکی ٹیمیں ایکشن میں دکھای دے گی۔ انہوں نے بتایا کہ چیمپین شپ کے پہلے روز دفاعی چیمپئن آرمی کا مقابلہ فیصل آباد سے ہوگا جبکہ واپڈا اور اسلام آباد، پی او ایف اور ایر فورس ، اسلام آباد اور لاہور کی ٹیمیں مدمقابل ہونگی۔ چیمپئن شپ کے کامیاب انعقاد کےلئے تمام انتظامات مکمل کر لئے گئے ہیں، پنجاب باسکٹ بال ایسوسی ایشن کے زیر اہتمام کھیلی جانیوالی چیمپئن شپ کے سیمی فانلز 23نومبر جبکہ چیمپئن شپ کا فائنل 24نومبر کو کھیلا جایگا۔