خوش نصیب ہیں کہ ہم نے بابر اعظم کو بابر اعظم بنتے دیکھا :سرفراز احمد

لاہور(سپورٹس رپورٹر)ایسے وقت میں جب ورلڈ کپ میں ناقص پرفارمنس کے بعد بابر اعظم قیادت چھوڑ چکے ہیں اور ان پر کڑی تنقید کی جا رہی ہے ایسے میں سابق کپتان سرفراز احمد نے کھل کرتعریف کی ہے۔انہوںنے کہا کہ بابر اعظم نے جہاں سے اوپر اٹھنا شروع کیا وہ ویسٹ انڈیز کے خلاف سیریز تھی جہاں انہوں نے نمبر تین پر بیٹنگ کی اور وہاں سے ہم انہیں اسی نمبر پر لے کر چلے پھر یہ ان کی محنت اور کوشش تھی کہ آج اس مقام پر ہیں۔ ہم خوش نصیب ہیں کہ ہم نے بابر اعظم کو بابر اعظم بنتے دیکھا آج جب سب لوگ اس کی کور ڈرائیو اور دیگر شاٹ کی تعریف کرتے ہیں تو دل خوش ہو جاتا ہے۔ بابر اعظم نے جہاں خود کو منوایا وہ 2019 میں جنوبی افریقہ کے خلاف سیریز تھی۔