خضدار: سلنڈر زور دار دھماکے سے پھٹ گیا، ماں 2بیٹیاں جاں بحق

کوئٹہ (نوائے وقت رپورٹ) بلوچستان کے علاقے خضدار میں سلنڈر دھماکے میں خاتون اور دو بیٹیاں جاں بحق ہو گئیں۔ خضدار کے علاقے بولان کالونی کے ایک گھر میں کام کے دوران گیس سلنڈر زوردار دھماکے سے پھٹ گیا جس کے نتیجے میں تین خواتین (ماں‘ دو بیٹیاں) جھلس کر بری طرح سے زخمی ہوئیں۔ واقعے کے بعد ماںاور دو بیٹیوں کو طبی امداد کیلئے ہسپتال منتقل کیاگیا جہاں ڈاکٹرز نے زخمیوں کو بنیادی طب امداد کے بعد انہیں کراچی منتقل کرنے کی سفارش کی۔ اہل خانہ کے مطابق کراچی منتقلی کے دوران وڈھ کے مقام پر دونوں بچیاں جبکہ اوتھل کے مقام پر ماں زخموں کی تاب نہ لاتے ہوئے دم توڑگئی۔