پاکستان میں لڑکیوں کے کھیلوں کے فروغ کیلئے فرانس تعاون کریگا: نکولس گیلے

اسلام آباد (خبرنگارخصوصی) پاکستان میں فرانس کے سفیر نکولس گیلے نے کہا ہے کہ پاکستان میں لڑکیوں کے کھیلوں کے فروغ کیلئے فرانس ہر ممکن تعاون کریگا۔ وہ پاکستان سپورٹس کمپلیکس اسلام آباد میں فیڈرل باسکٹ بال ایسوسی ایشن کے زیر اہتمام ٹورنامنٹ کی اختتامی تقریب سے خطاب کر رہے تھے۔ فیڈرل وویمنز باسکٹ بال ٹورنامنٹ کا ٹائٹل ڈریم ٹیم نے جیت لیا، فائنل میں وارئرز کلب کوشکست کا سامنا کرنا پڑا۔ اختتامی تقریب کے مہمان خصوصی فرانس کے سفیر نکلولس گیلے تھے۔