علامہ خادم حسین رضوی عرس تقریبات‘100سے زائد ٹریفک پولیس افسر ‘اہلکار تعینات

لاہور(نامہ نگار)ٹریفک پولیس نے علامہ خادم حسین رضوی کے تین روزہ عرس کی تقریبات کے موقع پر ٹریفک پلان جاری کردیا۔ علامہ خادم حسین رضوی کے تین روزہ عرس کی تقریبات کے سلسلہ میں چوک یتیم خانہ،بند روڈ،ملتان روڈ کیلئے ٹریفک پلان جاری کر دیا گیاہے۔عرس کی تقریبات مدرسہ رحمت العالمین میں منعقد ہونگی۔ ترجمان سٹی ٹریفک پولیس کے مطابق سی ٹی او لاہور عمارہ اطہر نے ایمبولینس کیلئے راستہ کلیئر رکھنے کی ہدایت کی ہے۔ ایس پی صدر شہزاد خان تمام تر ٹریفک انتظامات کی نگرانی کررہے ہیں۔2 ڈی ایس پیز، 10 انسپکٹرز اور 195 وارڈنز تعینات کر دئیے گئے ہیں۔سمن آباد چوک جانب یتم خانہ چوک، شاہ فرید چوک جانب سبزہ زار چوک، سٹی اڈہ/رہبر اڈہ، ڈائیورشن رحیم سٹور، بجلی گھر چوک جانب یتیم خانہ، نوانکوٹ کٹ،شیل کٹ جانب یتیم خانہ،کھاڑک نالہ چوک،دبئی چوک، چوبرجی چوک، گندہ نالہ سمن آباد چوک، شاہدرہ چوک،سگیاں آر او،بابوصابو چوک اور ٹھوکر نیاز بیگ چوک سے ہیوی ٹریفک کی ڈائیورشن ہے۔عرس کے شرکاء سٹیٹ بنک خالی پلاٹ نزد یتیم خانہ میٹر و سٹیشن، پارکنگ گیٹ سٹیڈیم سبزہ زار پارک کرسکتے ہیں۔شہری رہنمائی و مدد کیلئے ہیلپ لائن 15 پر کال کرسکتے ہیں۔