لاہور(نامہ نگار)صوبہ بھرمیں گزشتہ24 گھنٹوں کے دوران 1433ٹریفک حادثات میں 7افراد جاں بحق جبکہ 1536 زخمی ہوئے ہیں۔ حادثات میں 837 ڈرائیوز، 57کم عمرڈرائیور، 522مسافر اور177پیدل چلنے والے افراد متاثر ہوئے ہیں۔ لاہور 318متاثرین کیساتھ پہلے، فیصل آباد  112 حادثات میں 119متاثرین کیساتھ دوسرے جبکہ ملتان 81حادثات میں 79متاثرین کیسا تھ تیسرے نمبرپررہا۔کل1536 متاثرین میں 1259مرد اور 277خواتین شامل ہیں۔زخمیوں میں 275افراد کی اوسط عمر18سال سے کم،816افراد کی اوسط عمر 18سے 40سال کے درمیان جبکہ445زخمی افراد کی اوسط عمر 40سال سے زائد ہے۔