لاہور(نامہ نگار)پیپلز پارٹی کے سینئر رہنما عابد حسین صدیقی نے کہا ہے کہ پیپلز پارٹی واحد سیاسی جماعت ہے کہ جس کی بنیاد ایک سیاسی نظرئیے اور سیاسی فلسفے پر رکھی گئی تھی۔پی ٹی آئی کوئی سیاسی جماعت نہیں بلکہ ایک پانی کا بلبلہ ہے۔بانی کبھی امریکہ کے خلاف بات کرتا ہے تو کبھی امریکہ سے کہتا ہے کہ مجھے بچائو۔ایسے یوٹرن ماسٹر پر اس کی پارٹی کے لوگ بھی اعتبار کرنے کو تیار نہیں۔یہی وجہ ہے کہ یہ جماعت اتنے سال گزر جانے کے باوجود صرف ایک سیاسی گروپ کی شکل ہی اختیار کر سکی ہے۔