سانگلہ ہل (نمائندہ نوائے وقت) کار، لوڈر رکشہ اور موٹر سائیکل میں تصادم، حادثہ میں 10 سالہ بچی جاں بحق۔ تفصیلات کے مطابق کنال روڈ پر 204 چک کے قریب کار نے موٹر سائیکل کو ٹکر ماری اور پیچھے سے آنیوالا لوڈر رکشہ بھی موٹر سائیکل سے ٹکرا کر الٹ گیا۔حادثہ میں لوڈر رکشہ میں سوار 10 سالہ بچی فاطمہ جاں بحق ہوگئی۔زخمیوں میں 65 سالہ ناصر محمود ، 35 سالہ یاسمین ، 18 سالہ سدرہ ، 55 سالہ سرور بی بی، 21 سالہ ثناء ، 11 سالہ اویس اور 48 سالہ موٹر سائیکل سوار سہیل شامل ہیں۔ زخمیوں کو ہسپتال منتقل کر دیا گیا۔