ترقی سے خائف مخالفین انتشار پھیلاتے ہیں:رانا مدثر نذر خاں

گوجرانوالہ( نمائندہ خصوصی)نائب صدر لائیرز فورم مسلم لیگ(ن)گوجرانوالہ رانا مدثر نذر خاں ایڈووکیٹ نے کہا ہے کہ جب بھی پاکستان ترقی کی جانب سفر کا آعاز کرتا ہے اور قوم کو خوشحالی کی نوید سنائی دیتی ہے تب اس ترقی سے خائف ذہنیت کے لوگ گمراہ کن پروپیگنڈوں کیساتھ نوجوان نسل کو بدظن کر کے انتشار پھیلانے میں مصروف ہو جاتے ہیں جس کا نقصان پوری قوم کو بھگتنا پڑتا ہے ‘ماضی میں بھی جب بین الاقوامی اقتصادی ماہرین پاکستان کی ترقی و خوشحالی کی پیشگوئیاں کر رہے تھے تب تبدیلی کا نام نہاد نعرہ لگا کر عوام کو جھوٹے خواب دکھائے گئے اور عوام کے منتخب وزیر اعظم میاں نواز شریف کو گھر بھیج کر ترقی کرتے ملک کو تنزلی کی جانب موڑ دیا گیا جس کے نتیجے میں ملک تاریخ کی بدترین معاشی دلدل میں پھنس گیااب ایک بار پھر میاں نواز شریف کی سربراہی میں وزیر اعظم میاں شہباز شریف کی قیادت میں پاکستان ترقی کے سفر پر گامزن ہو چکا ہے۔