گوجرانوالہ( نمائندہ خصوصی)صحت کی بہتر سہولیات وقت کا اہم تقاضا ہے،دانتوں کی حفاظت صحت مند زندگی گزارنے کیلئے بہت ضروری ہے یہ ایک حقیقت ہے کہ دانت اچھے تو صحت اچھی ہے ان خیالات کا اظہار مسلم لیگی راہنما و سابق چیئرمین ضلع کونسل گوجرانوالہ مظہر قیوم ناہرا نے ڈینٹل سرجن ڈاکٹر طلحہ محمود کے جدید ترین آلات اور سہولیات سے آراستہ گلف ڈینٹل کلینک اندرون سیالکوٹی گیٹ کی افتتاحی تقریب سے بحیثیت مہمان خصوصی اظہار خیال کرتے ہوئے کیا۔ اس موقع پر چیف ایگزیکٹو گلف آپٹیکل سنٹر و صدر آپٹیکل ایسوسی ایشن گوجرانوالہ شیخ محمد محمود، شیخ زوہیب محمود، ممتاز مسلم لیگی رہنما فلک شیر چٹھہ، کھاد ڈیلر ایسوسی ایشن پاکستان کے صدر شیخ مشتاق احمد آف نوشہرہ ورکاں، سینئر ڈینٹل سرجن ڈاکٹر اسامہ سجاد ، معززین علاقہ اور تاجروں کی بڑی تعداد نے شرکت کی۔