راولپنڈی پولیس کے مختلف علاقوں میں سرچ آپریشنز 

راولپنڈی (اپنے سٹاف رپورٹرسے) سٹی پولیس آفیسر راولپنڈی سید خالدہمدانی کی ہدایت پر راولپنڈی پولیس نے مختلف علاقوں میں سرچ آپریشنز کیے، سرچ آپریشنزتھانہ واہ کینٹ، آراے بازار، ریس کورس، چکری، کہوٹہ اور دھمیال کے مختلف علاقوں میں کیے گئے، سرچ آپریشنز میں ضلعی پولیس سمیت، لیڈی پولیس، ایلیٹ فورس اوردیگر قانون نافذ کرنے والے اداروں نے شرکت کی، سرچ آپریشنز کے دوران مجموعی طور پر 130 گھروں، 50 دوکانوں اور 300سے زائد شہریوں کے کوائف کو چیک کیا گیا،ایس ایس پی آپریشنز فلائٹ لیفٹیننٹ(ر)حافظ کامران اصغر کا کہنا ہے کہ سرچ آپریشنز کا مقصد جرائم پیشہ عناصر کی بیخ کنی کرنا ہے،نیشنل ایکشن پلان کے تحت سرچ آپریشنزکا سلسلہ جاری رہے گا۔