حضرو (نمائندہ نوائے وقت)سابقہ چیئرمین یوسی غورغشتی بابو اجمل خان کے فرزند نوجوان مسلم لیگی راہنما عادل خان کے صاحبزادے کے حقیقہ کی خوشی میں پروقار عشائیہ کا اہتمام ،عشائیہ میں ممبر قومی اسمبلی جوڈیشل کونسل شیخ آفتاب احمد ،سابق امیدوار صوبائی اسمبلی شیخ سلیمان سرور،ڈی ایس پی راجہ فیاض الحق ،تحصیلدار حضرو ملک عامر ،واپڈا کے افسران ،علاقہ بھر کے چیئرمیز ،وائس چیئرمینز ،کونسلر ان ،کاروباری شخصیات ویگر نے شرکت کی اور عادل خان کو مبارکباد دیتے ہوئے نیک خواہشات کا اظہار کیا اس موقع پر میڈیا سے گفتگو کرتے ہوئے شیخ آفتاب احمد نے کہاکہ پاکستان مسلم لیگ (ن) کو جب بھی اقتدار کا موقع ملا ہے ملک وقوم دونوں تعمیر وتر قی کی راہوں پر گامزن ہوئے ہیں سابقہ دور میں ملک وقوم کو اندھیروں کی دلدل میں دھکیلا جن کی کارکردگی عوامی عدالت میں صفر ہے لیکن اس کے باوجو د تحریک انصاف کے نا اہل ٹولے نے ملک میں انتشار پھیلایا ہوا ہے آئے روز احتجاج کی آڑ میں ترقی کے سفر کو روکنے کی ناکام کوشش کی جا رہی ہے جس کو کسی صورت کامیاب نہیں ہونگے دینگے شیخ آفتاب احمد نے مزید کہا کہ وفاقی وصوبائی حکومت کی طرف سے حلقہ بھر میں تعمیر وترقی کا ایک نیا دور شروع ہو چکا ہے۔