عوامی خدمت کیلئے ایک بار پھر جاتی عمرا جلد جائوں گا، عبدالرزاق جامی 

 بوچھال کلاں(ـنامہ نگارـ)عوامی خدمت کے لئے ایک بار پھر جاتی عمرا جلد جائوں گا ان خیالات کا اظہار معروف نعت خواں عبدالرزاق جامی نے ٹیلی فون پر ہمارے نمائندہ سے گفتگو کرتے ہوئے کیاا نہوں نے کہا کہ میں نے جب بھی قائد محترم سے کوئی بھی فرامائش کی ہے انہوں نے نہایت شفقت کا مظاہرکرتے ہوئے میری فرمائش کو پورا کیاانہوں نے بتایا کہ میں نے کلر کہار چوآسیدن شاہ روڈ کی تعمیر اور کلر کہار تلہ گنگ روڈ کی تعمیر کے لئے گرانٹ مانگی تو انہوں نے وزیر اعلیٰ پنجاب مریم نواز کو فوری گرانٹ دینے کی سفارش کی اور انہوں نے دونوں سڑکوں کی تعمیر کے لئے گرانٹ فراہم کر دی،ا اس مرتبہ میں کلر کہار واٹر سپلائی سکیم کی بات کروں گا کیونکہ کلر کہار کے عوام کو پینے کے پانی کے حصول میں شدید مشکلات کا سامنا ہے انہوں نے کہا کہ میرا سیاست میں آنے کا کوئی ارادہ نہیں صرف عوامی خدمت کا جذبہ ہے ۔