برفباری سیزن ،ڈپٹی کمشنر مری آغا ظہیر شیرازی کی زیر صدارت ماہانہ اجلاس

  مری (نامہ نگار خصوصی) ڈپٹی کمشنر مری آغا ظہیر عباس شیرازی کی زیر صدارت ماہانہ *ڈسٹرکٹ ڈیزاسٹر مینجمنٹ اتھارٹی/DEB* کا اجلاس ڈی سی آفس ایم آء ٹی مری میں منعقد ہوا،اجلاس میں سرمائی سیزن/برف باری اور حکومت پنجاب کی جانب سے شروع کی جانے والی ائیر ایمبولینس سروس سمیت ضلع مری کے تمام محکموں کی جانب سے بنائے جانے والے سرمائی سیزن/برف باری کور پلان سمیت دیگر اہم انتظامات بروقت مکمل کروانے پر سیکرٹری ڈسٹرکٹ ڈیزاسٹر مینجمنٹ اتھارٹی کی جانب سے تفصیلی بریفنگ دی گئی، ڈیزاسٹر مینجمنٹ پلان اور سیفٹی کے انتظامات کا جائزہ لیا گیا، ڈپٹی کمشنر مری نے متعلقہ محکموں کے افسران کو ہدایات جاری کی کہ تمام انتظامات بروقت مکمل کئے جائیں اور سرمائی سیزن/برف باری پر ضلع مری میں قائم ہر ایک محکمہ ماسٹر کور پلان جلد مرتب کرے،اس موقع پر سیکرٹری ڈسٹرکٹ ایمرجنسی بورڈ انجینئر کامران رشید نے بریفنگ دیتے ہوئے بتایا کہ ضلع مری کے دیگر محکموں کے ساتھ مل کر کسی بھی ممکنہ درپیش حادثات و سانحہ سے نبرد آزما ہونے کے لیئے ڈیزاسٹر ایمرجنسی ماسڑ کور پلان تشکیل دے دیا جائے گا۔