اسلام آباد(اپنے سٹاف رپورٹر سے )صدر زون پولیس نے گزشتہ دس ماہ کے دوران جرائم پیشہ عناصر کے خلاف کریک ڈاؤن کے دوران 3,851 ملزمان کو گرفتارکرکے ان کے قبضہ سے 34 کروڑ 95 لا کھ 54 ہزار روپے سے زائد کا مال مسروقہ برآمد کر لیا،پولیس ٹیموں نے اسی عرصہ کے دوران سنگین جرائم میں ملوث 161گروہوں کے360 ارکان کو بھی گرفتار کیا،وفاقی دارلحکومت میں جاری ''نشہ!اب نہیں ''تحریک کے تسلسل میں صدر زون پولیس ٹیموں نے 419 منشیات فروشوں کو گرفتار کرکے ان کے قبضہ سے 157 کلو 532 گرام چرس، 191 کلو 375 گرام ہیروئن، 13 کلو 255 گرام آ ئس اور 01 ہزار517 لیٹر شراب بھی برآمد کی ۔