کار سوار ملزمان کی پولیس پارٹی پر فائرنگ، اشتہاری زخمی حالت میں گرفتار

راولپنڈی (اپنے سٹاف رپورٹرسے)نصیر آباد کے علاقہ میں کار سوار ملزمان کی پولیس پارٹی پر فائرنگ، فائرنگ کے دوران چوری کے مقدمات میں مطلوب اشتہاری زخمی حالت میں گرفتار،چند روز قبل ویسٹریج کے علاقہ سے چھینی گئی ہنڈا سٹی کار و موبائل فون اور پسٹل برآمدہوا۔گرفتار ملزم کی شناخت محمد علی کے نام سے ہوئی جو مختلف تھانوں میں چوری کے مقدمات میں مطلوب اور اشتہاری ہے، واقعہ کی اطلاع پر سینئر پولیس افسران پولیس نفری کے ہمراہ موقع پر پہنچ گئے، فرار ملزمان کی گرفتاری کے لئے سرچنگ کی گئی، ڈاکوں کی فائرنگ کا جوانمردی سے مقابلہ کرتے ہوئے مسروقہ گاڑی کی برآمدگی اور ملزم کو گرفتار کرنے پر سی پی او سید خالد ہمدانی نے ایس پی پوٹھوہار، ڈی ایس پی کینٹ اور نصیر آباد پولیس کو شاباش دیتے ہوئے کہاکہ شہریوں کی جان و مال اور پولیس پر حملہ کرنے والے قانون کی گرفت سے نہیں بچ سکتے۔