زیر تفتیش مقدمات میں ملوث ملزمان کو گرفتار کرکے چالان مرتب کئے جائیں، ایس پی صدر 

راولپنڈی (اپنے سٹاف رپورٹرسے)ایس پی صدر محمد نبیل کھوکھر کی زیر صدارت تھانہ گوجر خان، جاتلی اور مندرہ میں کرائم میٹنگز کا انعقاد،میٹنگز میں ایس ڈی پی او گوجرخان ایس ایچ اوز اور تفتیشی افسران کی شرکت،ایس پی صدر نے زیر تفتیش مقدمات کی پراگرس کا جائزہ لیا اور افسران کو ہدایات دیں۔تفصیلات کے مطابق ایس پی صدر محمد نبیل کھوکھر کی زیر صدارت تھانہ گوجر خان، جاتلی اور مندرہ میں کرائم میٹنگز کا انعقاد کیا گیا، میٹنگ میں ایس ڈی پی او گوجرخان ایس ایچ اوز اور تفتیشی افسران نے شرکت کی،ایس پی صدر نے زیر تفتیش مقدمات کی پراگرس کا جائزہ لیا اور افسران کو ہدایات دیں،ایس پی صدر محمد نبیل کھوکھر کا کہنا تھاکہ زیر تفتیش مقدمات میں ملوث ملزمان کو گرفتار کرکے چالان بروقت مرتب کیے جائیں، منشیات کے ناسور کے خاتمے کے لیے منشیات فروشوں کے خلاف کاروائیوں میں تیزی لائی جائے، موٹرسائیکل چوری کی روک تھام کے لیے گشت کے نظام کو مزید موثر بنایا جائے۔