ڈھاکہ (این این آئی) بنگلہ دیش کرکٹ ٹیم کے کپتان مشفق الرحیم نے کہا ہے کہ تمام تر توجہ نیوزی لینڈ کے خلاف سیریز پر مرکوز ہے، حریف ٹیم کو ٹیسٹ سیریز میں شکست دے کر رینکنگ کو بہتر بنانے کیلئے سرتوڑ کوشش کریں گے۔ ایک انٹرویو میں انہوں نے کہا کہ بد قسمتی سے کیویز کے خلاف پہلا ٹیسٹ ہار جیت کے فیصلے کے بغیر ختم ہوگیا انہوں نے کہا کہ انکی ٹیم دوسرے ٹیسٹ میں کیویز کو شکست دیکر سیریز اپنے نام کریگی۔ انہوں نے کہا کہ ٹیم کی ٹیسٹ رینکنگ بہت مایوس کن ہے، نیوزی لینڈ ورلڈ کلاس ٹیم ہے لیکن ہوم گراﺅنڈ کی وجہ سے ہمیں اس کے خلاف ایڈونٹیج حاصل ہو گا تاہم سیریز میں کامیابی کیلئے ٹیم کے ہر کھلاڑی کو کھیل کے تینوں شعبوں پر سخت محنت کرنا ہو گی۔ انہوں نے کہا کہ نیوزی لینڈ کے خلاف ٹیسٹ سیریز میں کامیابی کے لئے کھلاڑیوں کو سر توڑ کوشش کرنا ہوگی۔