لاہور (کامرس رپورٹر) جنوبی افریقہ کے خلاف ون ڈے سیریز میں شامل آٹھ کھلاڑی آج سے نیشنل کرکٹ اکیڈمی میں ٹریننگ کریں گے۔ پی سی بی کے مطابق پاکستان میں موجود کھلاڑیوں ناصر جمشید، محمد حفیظ، عمر اکمل، شاہد آفریدی، سہیل تنویر، وہاب ریاض، صہیب مقصود اور سرفراز احمد آج این سی اے میں رپورٹ کریں گے اور مختصر تربیتی کیمپ کے بعد ون ڈے سیریز میں شرکت کے لئے متحدہ عرب امارات روانہ ہوجائیں گے جہاں وہ دوسرے ٹیسٹ کے اختتام پر سکواڈ میں شامل ایسے کھلاڑیوں کی جگہ لیں گے جو ون ڈے سکواڈ کا حصہ نہیں ہیں۔