شیخوپورہ (نامہ نگار خصوصی) محکمہ تعلیم شیخوپورہ نے موسم سرما کیلئے سکولوں کی تعلیمی اوقات کا نوٹیفکیشن جاری کر دیا ہے جس کے مطابق جمعہ کے سو ا روزانہ سرکاری سکول اب ساڑھے 8بجے صبح لگا کریں گے اور 2:30بجے دوپہر چھٹی ہوا کرے گی جبکہ جمعہ کے روز سکول کے اوقات 8:30سے شروع ہو کر دوپہر 12:30پر ختم ہو جائیں گے سکولوں کے یہ تعلیمی اوقات 31مارچ تک لاگو رہیں گے محکمہ تعلیم کے ذرائع نے بتایا کہ شام کو چلنے والے سکولوں میں 12:45بجے دوپہر کلاسیں شروع ہو کر 4:45بجے شام ختم ہوں گی جبکہ جمعہ کے روز یہ کلاسیں 2بجے شروع ہو کر شام 5بجے ختم ہوں گی۔