تعمیر و ترقی کا جذبہ لیکر بلدیاتی انتخابات جیتیں گے: سجاد حیدر

جنڈ یالہ شیر خان ( نامہ نگا ر )پاکستان مسلم لیگ (ن) کے ایم پی اے چو ہدری سجا د حیدر گجر نے کہا ہے کہ سیاست کو عبادت اور عوام کی خدمت کو اپنا مشن سمجھتا ہوں اپنے قائدین کی طرح پیار ،محبت ،یگانگت اور علاقہ کی تعمیر وترقی کے جذبہ سے سرشار ہوکر آئندہ بلدیاتی انتخابات میں حصہ لونگا علاقہ کی عوام کے حقوق کے تحفظ کیلئے اپنی تمام تر صلاحیتوں کو بروئے لانا میری اولین ترجیحات ہیں ان خیا لات کا اظہا ر انہوں نے نوا ئے وقت سے خصو صی گفتگو کر تے ہو ئے کیا انہوں نے کہاکہ اقتدار میری منزل نہیں بلکہ علاقہ کو خوبصورت بناکر عوام کو خوشحال دینا میرا خواب ہے۔ انہوںنے کہاکہ شریف برادران نے گراس روٹ لیول پر ترقی کے عمل کو عملی جامہ پہنانے کیلئے بلدیاتی انتخابات کا جو ڈھانچہ تیار کیا ہے اس سے نچلی سطح پر عوام کے حقوق کے تحفظ کو یقینی بنانے کے ساتھ ساتھ عوام کو حقیقی ریلیف ملے گا۔