جھنگ‘ ٹوبہ ٹیک سنگھ‘ رینالہ خورد 3خواتین سے اوباشوں کی زیادتی

جھنگ/ ٹوبہ ٹیک سنگھ/ رینالہ خورد(نامہ نگاران+ نمائندہ خصوصی) مختلف مقامات پر اوباشوں نے 3خواتین کو زیادتی کا نشانہ بنا ڈالا۔ جھنگ کے موضع ککی نو کے نور محمد نے پولیس کو دی گئی درخواست میں بتایا کہ عاشق علی نے مبینہ طور پر اس کی بہو (م ب) کو اکیلی دیکھ کر قابو کر کے زیادتی کا نشانہ بنا ڈالا۔ اس کی بہو کے شور و غل پر اہل علاقہ موقع پر پہنچ گئے جنہیں دیکھ کر ملزم فرار ہو گیا پولیس نے ملزم کے خلاف مقدمہ درج کر لیا۔ رینالہ خوردکے نواحی گا¶ں 10ون آر کا مزدور محمد اسحاق مزدوری کےلئے لاہور گیا ہوا تھا اس کی بیوی ممتاز گھر میں اکیلی تھی کہ رات 11بجے گا¶ں کے اوباش محمد سجاد اس کا نامعلوم ساتھی گھر کی دیوار پھلانگ کر داخل ہو گئے اس کی بیوی کو زبردستی اٹھا کر کمرہ میں لے گیا کپڑے سے اس کا منہ باندھ کر اس سے زیادتی کر ڈالی۔ ممتاز بی بی کے منہ سے کپڑا کھلا تو اس نے شور مچا دیا۔ لوگوں وہاں پہنچے تو ملزمان نے اسلحہ تان کر انہیں قتل کی دھمکی دی اور فرار ہو گئے۔ ٹوبہ ٹیک سنگھ میں اوباش نے 2ساتھیوں سے ملکر جانوروں کےلئے چارہ لینے جانے والی کو زیادتی کا نشانہ بنا ڈالا۔ چک نمبر 188گ ب کے شرف خان نے بتایا کہ اس کی بیٹی (ش) جانوروں کےلئے چارہ لینے کےلئے گئی جمشید اسے فصل میں لے گیا اور زبردستی زیادتی کا نشانہ بنا ڈالا۔ مہابت اور علی رضا پہرہ دیتے رہے۔ شور سن کر محمد ادریس وغیرہ کے آنے پر ملزمان موقع سے فرار ہو گئے۔