ٹرالر کی ٹینکی لیک ہونے سے ڈیزل سڑک پر پھیل گیا شہریوں نے برتنوں میں بھرنا شروع کردیا اطلاع پر پولیس پہنچ گئی

مخدوم رشید (نامہ نگار) مقامی صحافیوں کی کوشش پر مخدوم رشید شہر بڑے حادثے سے بچ گیا ، تفصیل کے مطابق وہاڑی سے ملتان جانے والا ٹرالر لاری اڈا مخدوم رشید پہنچا تو اچانک ڈیزل والی ٹینکی لیک ہو گئی جس کی وجہ سے تقریباً 220لیٹر ڈیزل سڑک پر پھیل گیا ، جبکہ مقامی لوگوں نے برتن اُٹھا کر ڈیزل لینا شروع کردیا ، مخدوم رشید کے صحافیوں نے پٹرولنگ پولیس مخدوم رشید اور تھانہ مخدوم رشید کی پولیس کو آگاہ کیا جس نے موقع پر پہنچ کر ہنگامی صورت حال کو کنٹرول کر لیا ۔