پٹینگولر انڈر 19 ٹی ٹونٹی کپ ٹورنامنٹ کل سے شروع ہوگا

لاہور(سپورٹس رپورٹر+نمائندہ سپورٹس) پاکستان کرکٹ بورڈ نے پٹینگولر انڈر 19 ٹی ٹونٹی کپ ٹورنامنٹ کے شیڈول کا اعلان کر دیا ہے۔ 21 اکتوبر سے ملتان میں شروع ہونے والے ٹورنامنٹ میں پنجاب، سندھ، بلوچستان، فیڈرل ایریا اور خیبر پی کے کی ٹیمیں حصہ لینگی۔ ہر ٹیم چار میچز کھیلے گی پہلی دو پوزیشن حاصل کرنے والی ٹیموں کے درمیان فائنل میچ 26 اکتوبر کو کھیلا جائیگا۔ 21 اکتوبر کو افتتاحی روز دو میچ کھیلے جائیں گے جس میں پنجاب کا مقابلہ بلوچستان سے جبکہ دوسرے میچ میں خیبر پختونخواہ اور فیڈرل ایریا کی ٹیمیں مد مقابل ہونگی۔