لیڈی گاگا دوران کنسرٹ سٹیج سے گر گئیں

لاہور(شوبز ڈیسک) امریکی گلوکارہ لیڈی گاگا اپنے کنسرٹ کے دوران سٹیج سے سر کے بل گرگئیں تاہم انہوں نے اپنے کنسرٹ کا اختتام نارمل انداز میں کیا۔ امریکی ریاست لاس ویگاس میں اپنے کنسرٹ کے دوران انہوں نے اپنے مداحوں کو مزید محظوظ کرنے کیلئے ڈانس کا بھی اعلان کیا۔لیڈی گاگا نے گانا ’ملین ریزنز‘ گانے سے قبل حاضرین میں سے جیک نامی ایک مداح کو سٹیج پر بلایا۔جیک کیساتھ ڈانس کرتے ہوئے جیک اپنا توازن قائم نہیں رکھ سکے اور دونوں سٹیج سے سر کے بَل گر گئے۔ حادثہ رو نما ہوتے ہی کنسرٹ میں بھگدڑ مچ گئی۔ حاضرین سمجھے کہ لیڈی گا گا مر چکی ہیں۔لیکن اس کے باوجود لیڈی گاگا اور جیک دونوں دوبارہ سٹیج پر آئے اور کنسرٹ جاری رکھا۔