پاکستان ہمیشہ مذاکرات سے مسائل کے حل کی بات کرتا ہے: ملیحہ لودھی

نیویارک(صباح نیوز) اقوام متحدہ کے سیکرٹری جنرل انتونیو گوئٹرس سے ملیحہ لودھی نے ملاقات کی ،ملاقات میں سیکرٹری جنرل یواین نے ملیحہ لودھی کو پاکستان کے لئے شاندار خدمات سر انجام دینے پر زبردست خراج تحسین پیش کیا ہے۔تفصیلات کے مطابق نیویارک میں ڈاکٹر ملیحہ لودھی نے اقوام متحدہ کے سیکریٹری جنرل سے الو داعی ملاقات کی۔ ملیحہ لودھی نے افغان امن مذاکراتی عمل پر سیکریٹری جنرل سے تبادلہ خیال کیا۔اس موقع پر اقوام متحدہ کے سیکریٹری جنرل نے پاکستانی مندوب کو زبردست خراج تحسین پیش کرتے ہوئے کہا کہ ملیحہ لودھی نے ہرموضوع اور پہلو پر پاکستانی موقف پیش کیا۔سیکریٹری جنرل نے کہا کہ تجربے کارکردگی سے ملیحہ لودھی کا ملکی ساکھ بڑھانے میں اہم کردار ہے، پاکستان کو ملیحہ لودھی کی خدمات کامیابیوں پر فخر ہونا چاہئے۔الوداعی ملاقات میںملیحہ لودھی نے کہا کہ پاکستان ہمیشہ مذاکرات سے مسائل کے حل کی بات کرتا ہے، خطے میں امن کے سلسلے میں وزیراعظم کی کوششیں جاری ہیں، وزیراعظم سعودیہ ایران تنا ئوکے خاتمے کے لیے کردار ادا کر رہے ہیں۔ انہوں نے اقوام متحدہ کے سیکریٹری جنرل کو الوداعی ملاقات میں مقبوضہ کشمیر کی صورت حال سے بھی آگاہ کیا۔