فیصل آباد (آن لائن) شہراور گردونواح میں چوری راہزنی اور ڈکیتی کی وارداتوں کا سلسلہ جاری۔ مسلح ڈاکوئوں کی فائرنگ سے مزاحمت پر نوجوان قتل اور2افراد کو زخمی کردیاجبکہ دیگر70سے زائد، وارداتوں میں لاکھوں کا نقصان، سرراہ نہتے شہریوں سے لاکھوں مالیت کی نقدی وقیمتی سامان لوٹ لیا گیا، چوروں کے گروہوں نے درجنوں موٹرسائیکلیں،مویشی وبھاری مالیت کا دیگر سامان ونقدی بھی چرا لی، واقعات کے مطابق تھانہ چک جھمرہ کے علاقہ بائی پاس سرگودھا روڈ سٹی ہائوسنگ کالونی کے قریب 118ج ب کا رہائشی نوجوان علی وقاص اپنی موٹرسائیکل پر سوار ہوکر جمعہ کی شام اپنی بہن کے گھر جارہا تھا کہ ڈاکوئوں نے موٹرسائیکل نمبری 994ایف ڈی وائی کی ہنڈا ون ٹو فائیو ماڈل 2018ء چھین لی، پولیس ناکہ بندیوں کے باوجود تاحال خونی واردات میں ملوث ملزمان کو پکڑنے میں کامیاب نہ ہو سکی۔ علاوہ ازیں تھانہ صدر تاندلیانوالہ کے علاقہ 411میں مزاحمت پر 50 سالہ حاجی محمود ولد احمد کو گولیاں مار دی گئیں جبکہ تھانہ صدر تاندلیانوالہ کے علاقہ میں اکرم وغیرہ دو موٹرسائیکلوں پر سوار ہوکر جا رہے تھے کہ 452گ ب میں ناکہ لگائے مسلح افراد نے 8ہزار کی نقدی چھیننے کے دوران مزاحمت پر اسے ڈنڈے سوٹوں سے تشدد کا نشانہ بنایا، آج صبح سویرے تھانہ صدر کے علاقہ میں احمد سے موٹرسائیکل ون ٹو فائیو 9770چھین لی گئی ، گٹ والا پارک کے قریب خالد سے 10ہزار کی نقدی وموبائل فون چھین لیاگیا، تھانہ چک جھمرہ کے 92چک میں چور ساجد کے گھر کا صفایا کر گئے لوٹ مار کی دیگر وارداتوں میں سمانہ پل سے وسیم کی موٹرسائیکل ہنڈا ون ٹو فائیو بی این کے نمبری 41ماڈل 2016 و نقدی 4ہزار چھین لئے، سٹی سمندری میں 470والا پل سے عمران ظفر سے موٹرسائیکل روڈ پرنس 7738ایف ڈی ایم ماڈل 2019 چھین لیاگیا،تھانہ کھرڑیانوالہ میں گورمے فیکٹری کے قریب محسن اقبال سے بھی اسلحہ کے زور پر ایل ای این 1484، نقدی دو ہزار وموبائل فون چھین کر فرار ہوگئے، بھائی والا میں مختار سے موٹرسائیکل چھین لیاگیا،عبداللہ پل سے ناصر کی کار بی ایل آئی 6754ایل ای ایف ماڈل 2016ء چور لے اڑے، 71گ ب میں کاشف کو لوٹ لیا گیا، رشیدہ آباد میں زبیر کی دکان سے 4ہزار کی نقدی وغیرہ چور لے اڑے، 466گ ب میں جاوید اقبال کی دکان سے بھی چور نقدی لے اڑے مراد آباد میں غلام حسین کے گھر سے چور اڑھائی لاکھ کی نقدی وغیرہ لے گئے ناظم آباد میں اکرام، مکہ ٹائون میں شوکت،53چک میں پروین، الفرید ٹائون میں شہباز، سلطان چوک میں جمیل الرحمن، مسلم ٹائون گلی نمبر5مین احسان کے گھروں سے چور تالے توڑ کر نقدی وغیرہ لے گئے۔ غوثیہ کالونی میں مبشر،ضیاء ٹائون میں عزیز، جوہل اڈا میں ندیم، گھونہ سٹاپ میں سمیع، مدینہ ٹائون کے علاقہ میں سعود، گلفشاں کالونی میں رضوان،چراغ ٹائون میں شعیب اصغر ، رحیم چوک میں سلمان، حاجی آباد میں ارسلان،228والی آبادی میں عباس،لالہ زار کالونی میں نجم وقاص، محمود آباد میں حمزہ کی موٹرسائیکلیں نامعلوم چور لے گئے، ڈرماں والا چوک میں سرمد،باہلک کے علاقے میں عالم شیر، صدر تاندلیانوالہ کے علاقہ میں ابراہیم، 396والا روڈ میں عرفان، سٹی جڑانوالہ میں فیض کوبھی اسلحہ کے زور پر لوٹ لیاگیا ، ہزارہ ہوٹل کے قریب اعظم،کارڈیالوجی ہسپتال میں اسلام، سول ہسپتال میں نجیف عمر، زرعی یونیورسٹی میں احمد، اے بی سی روڈ پر معیز حیات، موٹرمارکیٹ میں ریاض، غلام محمد آباد نمبر2میں عابد حسین،ستارہ لال مل چوک میں علی حیدر، 225ر۔ب میں سناور علی،214ر۔ب میں سانولی حسن،239ر۔ب میں عبدالحفیظ ،سٹی جڑانوالہ میں شاہد محمود،378گ ب میں غلام مصطفیٰ،420گ ب میں شہزاد سلیم خرم ،محلہ عزیز پورہ میں عبدالحفیظ، اوکاڑہ بائی پاس ارباب، سٹی سمندری میں عالم شیر نقدی وقیمتی سامان سے ہاتھ دھو بیٹھے۔