کراچی(صباح نیوز)کراچی کے علاقے فریئر میں تلخ کلامی پر پولیس اہلکار نے فائرنگ کر کے نوجوان کو زخمی کر دیا، اہلِ محلہ نے فائرنگ کرنے والے پولیس اہلکار کو تشدد کے بعد پولیس کے حوالے کر دیا۔فریئر تھانے کی حدود چانڈیو ولیج میں پیش آنے والے واقعہ میں پولیس اہلکار فہد کی فائرنگ سے نوجوان زخمی ہوا ہے۔فائرنگ کے واقعے میں زخمی ہونے والے نوجوان نے الزام لگایا ہے کہ واقعے کے وقت اہلکار نشے کی حالت میں تھا اور تلخ کلامی پر اس نے فائرنگ کر دی۔پولیس اہلکار سکیورٹی زون 2 میں تعینات ہے، اس نے بیان دیا ہے کہ وہ اپنی بیوی اور بچوں کے ہمراہ آیا تھا تو اسے لگا کہ کچھ لوگ اس کا پیچھا کر رہے ہیں، جس پر اس نے فائرنگ کر دی۔