ملتان (کرائم رپورٹر)45 سالہ خاتون پر مبینہ طور پر تیزاب پھینک کر جھلسانے کی کوشش کی گئی،خاتون معمولی زخمی ہوئی ہے،سناتے والا ملتان پبلک سکول روڈ پر مسماۃکوثرمائی زوجہ امام بخش 5مرلہ سکیم ملتان پبلک سکول روڈ کوٹھی پر کام کرنیکے بعد پیدل اپنے گھر کیجانب جا رہی تھی،اچانک 2 کس نامعلوم نقاب پوش افراد نے خاتون پر تیزاب پھینکا جو حجاب ،گاؤن اور کپروں پر لگا. خاتون کا ماتھا،چہرہ، دائیں بازو اور دائیں ٹانگ معمولی زخمی ہو گئی ہے، ریسکیو 1122 نے ابتدائی طبی امداد مہیا کرنے کے بعد خاتون کو 5 مرلہ سکیم اس کے گھر پہنچایا۔ مقامی پولیس موقعہ پر پہنچ کرمصروف کارروائی ہے۔