لاہور(پ ر)پاکستان کرکٹ ٹیم کے سابق کپتان سلیم ملک نے کہا ہے کہ پاکستان میں کرکٹ کا مستقبل روشن ہے اور قومی ٹیم ورلڈ کپ جیتنے کی بھرپور صلاحیت رکھتی ہے ۔ پاکستان نے ہمیشہ ورلڈ کلاس بائولرز اور بلے باز پیدا کئے۔نوجوان بلے باز بابر اعظم کی تقلید کریںان خیالات کا اظہا رانہوں نے پرائسٹ مارننگ کرکٹ کلب کے دورے کے موقع پر کیا انہوں نے نوجوان کھلاڑیوں کو پریکٹس کرتے دیکھا اور انہیں مفید مشورے بھی دیئے ۔ انہوں نے نوجوان فاسٹ بائولر رانا حسن شہباز کی تعریف کی اور خیال ظاہر کیا کہ نوجوان فاسٹ بائولر قومی ٹیم میں نمائندگی کرسکتا ہے ۔ انہوں نے اس موقع پر کہا کہ کھلاڑی سخت محنت کریں اور مستقبل میں قومی ٹیم میں شامل ہوکر قوم کی خدمت کریں۔