لاہور ( کلچرل رپورٹر) ایگزیکٹوڈائریکٹر لاہو ر آرٹس کونسل الحمراء ذوالفقار علی زلفی نے کہا کہ ہماری موسیقی پنجاب کے کھلے میدانوں، لہلہاتے کھیتوں،سرسبز چراگاہوں اور شاداب وایوں کی تروتازگی احساس سے مالامال ہے،الحمراء پنجاب کی موسیقی میں موجود زندہ دلی کی بہار کو عام کر رہا ہے۔ الحمراء لائیو میں اکیڈمی آف پرفارمنگ آرٹس کے طلبہ کو عملی میدان میں اترنے کی تربیت فراہم کی جا رہی ہے۔ ان خیالات کا اظہار انہوں نے لاہور آرٹس کونسل میں ٹیلنٹ ہنٹ شو الحمراء لائیو کا دو بارہ آغاز کے حوالے سے اپنے تاثرات میں کیا۔