لاہور(نامہ نگار)باٹا پورکے علاقے سے اےک ہفتے قبل نیلم شہزادی کے اغواءکے واقعہ کا ڈراپ سین ہو گےا ۔ نیلم شہزادی کو اس کے شوہر نے گلہ دباقتل کر کے نعش ہوٹل میں پانی کی ٹینکی میں چھپا دی تھی۔ 7روز قبل باٹا پور کے علاقے میں واقع نجی ہاوسنگ سکیم کی رہائشی روبینہ ذیشان نامی کی بیٹی نیلم شہزادی پراسرار طور پر اغو ا ہو گئی تھی۔ انوسٹی گیشن پولیس نے نیلم شہزادی کے شوہر وہاب خان کو میر پور سے گرفتار کر کے ملزم کی نشاندہی پر نیلم شہزادی کی نعش اےک ہوٹل کی پانی کی ٹینکی سے برآمد لی ہے۔ملزم نے اپنی بیوی نیلم شہزادی کو 6 ماہ کی بیٹی سمیت میرپور ملنے کےلئے بلایا تھا اور معمولی تلخ کلامی پر اس نے گلہ دبا کرنیلم شہزادی کو قتل کر کے نعش ہوٹل میں پانی کی ٹینکی میں چھپا دی اور بیٹی کو لے کر لاہور آ گیا تھا۔پولیس نے جدید ٹیکنالوجی اور مختلف شواہد کی روشنی میں ملزم کو گرفتار کیا۔