لاہور(سپورٹس رپورٹر)آئی سی سی ٹی ٹونٹی ورلڈکپ 2022ءمیں تامل ملز کو انگلینڈ ٹی ٹونٹی سکواڈ میں شامل کرلیا گیا۔تامل ملز کو فاسٹ باﺅلر ریس ٹوپلی کی جگہ سکواڈ میں شامل کیا گیا ہے۔ریس ٹوپلی پاکستان کےخلاف وارم اپ میچ سے قبل ٹخنے کی انجری کا شکار ہوئے تھے۔ تامل ملز کو ٹریولنگ ریزروز میں شامل رچرڈ گلیسن پر ترجیح دی گئی ہے۔ انگلش ٹیم ایونٹ میں اپنا پہلا میچ 22 اکتوبر کو افغانستان کےخلاف کھیلے گی۔
 ٹینی شیس پولو کپ‘مزید 2میچوںکا فیصلہ 
لاہور (سپورٹس رپورٹر) جناح پولو فیلڈز میں جاری ٹینی شیس پولو کپ 2022ءکے دوسرے روز دو اہم میچز کھیلے گئے جن میں ڈائمنڈ پینٹس /شیخو سٹیل اور ماسٹر پینٹس کی ٹیمیں فاتح رہیں۔ پہلے میچ میں ڈائمنڈ پینٹس /شیخو سٹیل نے ریمنگٹن پولو /گارڈ گروپ کی ٹیم کو 7-6 سے شکست دی۔دوسرے میچ میں ماسٹر پینٹس نے حاجی سنز کی کی ٹیم کو5-4 سے ہرا دیا۔