ہرات ، زلزلہ سے متاثرہ علاقوں میں 2146 مکانات کی تعمیر کا کام شروع 

ہرات ( نوائے وقت رپورٹ) ہرات کے زلزلہ سے متاثرہ علاقوں میں 2146 مکانات کی تعمیر کا کام شروع کر دیا گیا ہے۔ہرات کے زنداجان ضلع کے سیہ اب گاو¿ں میں ہرات کے زلزلے کے متاثرین کے لیے معیاری مکانات اور بستیوں کی تعمیر کا کام آج ضلع زنداجان میں شہری منصوبہ بندی اور ہرات میونسپلٹی کے حکام کی موجودگی سے شروع ہوا۔ہرات محکمہ انفارمیشن اینڈ کلچر کے سربراہ مولوی احمد اللہ متقی کا کہنا ہے کہ مختلف علاقوں میں زلزلے سے متاثر ہونے والے 20 دیہاتوں کے لیے 2146 مکانات تعمیر کیے جائیں گے۔ہرات کے محکمہ اطلاعات و ثقافت کے سربراہ نے یہ بھی بتایا کہ متاثرین کو بارش اور آندھی سے بچانے کے لیے مضبوط خیمے لگائے گئے ہیں اور حکومت سردی کا موسم آنے سے قبل مکانات کی تعمیر کی کوشش کر رہی ہے۔سرکاری اعداد و شمار کے مطابق سیہ اب گاو¿ں میں 297 ، نائب رفیع گاو¿ں میں 300، سربلند گاو¿ں میں 123، کاشک گاو¿ں میں 100، قلعہ نو گاو¿ں میں 30، کجکال گاو¿ں میں 60، آسیاب بادک میں 65، کرنیل وردکا میں 133، چاہک میں 300، عبدالآباد اور حضرت آباد کے دو دیہاتوں میں 36، ازقلک اور قصر شیریں کے دو دیہاتوں میں 52، جگدے گاو¿ں میں 30، گیزی بالا میں 45، گل خان اور غازی میں 50، سل کوہ اور سینگ سیفڈ میں 72 گھر، بہادر زاہی چاہ میں 105، خواجہ محمد شوراب میں 80، ہلال ضحیٰ چاہ میں 92 اور ثریا ضحی میں 115 گھر تعمیر کیے جائیں گے۔