ہنڈا اور ٹویوٹا کے بعد سوزوکی  نے بھی اپنا پلانٹ بند کر دیا

کراچی(این این آئی)ہنڈا اور ٹویوٹا کے بعد سوزوکی نے بھی اپنا پلانٹ بند کر دیا۔ٹویوٹا اور ہونڈا کے بعد، پاک سوزوکی نے سٹاک کی کمی کی وجہ سے اپنا آٹو موٹیو مینوفیکچرنگ پلانٹ 25 اکتوبر سے 27 اکتوبر کے لیے بند کرنے کا فیصلہ کیا ہے۔تاہم کمپنی اس وقت تک اپنی موٹرسائیکل مینوفیکچرنگ کو چلانا جاری رکھے گا۔اسی طرح پاکستان میں ٹویوٹا کار بنانے والی کمپنی انڈس موٹر کمپنی نے ایک ماہ کے لیے مینوفیکچرنگ روکنے کا اعلان کیا۔ کمپنی 17 نومبر تک پورے ایک ماہ کے لیے بند رہے گی۔