ویمنز نیشنل رگبی چیمپئن شپ سیمی فائنل ‘فائنل آج ہونگے 

لاہور(سپورٹس رپورٹر)ویمنز نیشنل رگبی چیمپئن شپ پاکستان رگبی اکیڈمی لاہور کینٹ میں شروع ہوگئی۔پہلے روزکے میچز دیکھنے کیلئے خواتین کھلاڑیوں اور فیملیز کی ایک بڑی تعداد موجود تھی۔ پاکستان رگبی یونین کے آفیشلزصدر چودھری عارف سعید، چیئرمین فوزی خواجہ، شکیل ملک، سید معظم علی شاہ، پنجاب رگبی کے صدر محسن اور دیگر بھی موجود تھے۔ ٹورنامنٹ میں پانچ  خواتین کی ٹیمیں شریک ہیں جن میں پنجاب، سندھ، کے پی کے، واپڈا اور آرمی کی ٹیمیں شامل ہیں۔ پہلے میچ میں واپڈا نے سندھ کی ٹیم کو 43-0 سے، دوسرے میچ میں آرمی نے کے پی کے 39-0 سے،واپڈا نے پنجاب کو 36-0 سے پنجاب نے سندھ کو 20-0 سے ہرا دیا۔ آج سیمی فائنل اور فائنلز کھیلے جائیں گے اور تقسیم انعامات شام ساڑھے چار بجے ہوگی۔