لاہور(نامہ نگار)صوبہ بھرمیں گزشتہ24 گھنٹوں کے دوران 1321ٹریفک حادثات میں 14افراد جاں بحق جبکہ 1437زخمی ہوئے ہیں۔ حادثات میں 750ڈرائیوز،67کم عمرڈرائیور، 511مسافراور190پیدل چلنے والے افراد متاثر ہوئے۔صوبائی دارالحکومت لاہور 306متاثرین کیساتھ پہلے،فیصل آباد 87حادثات میں 97متاثرین کیساتھ دوسرے،ملتان81حادثات میں 82متاثرین کیساتھ تیسرے نمبرپررہا۔ کل1451متاثرین میں 1139مرد اور312خواتین شامل ہیں۔زخمیوں میں 265افراد کی اوسط عمر18سال سے کم،736افراد کی اوسط عمر 18سے 40سال کے درمیان جبکہ450زخمی افراد کی اوسط عمر 40سال سے زائد ہے۔