گوجرانوالہ(نمائندہ خصوصی )کامن ویلتھ پاور لفٹنگ گیمز میں7 گولڈ اور ایک برائونز میڈل جیتنے والے نوح دستگیر بٹ کا آبائی شہر پہنچنے پر شاندار استقبال ، مٹھائیاں تقسیم ، پھولوں کی پتیاں اور نوٹ بھی نچھاور کئے گئے۔ تفصیلات کے مطابق سائوتھ افریقہ میں ہونیوالی کامن ویلتھ پاور لفٹنگز گیمز میں گوجرانوالہ سے تعلق رکھنے والے کھلاڑی نوح دستگیر بٹ نے سات گولڈ اور ایک برائونز میڈل حاصل کیا ۔ملک کا نام روشن کرنے والے قومی ہیرو کا اپنے آبائی شہر واپس پہنچنے پر شانداراستقبال کیا گیا ۔ عزیزواقارب اور دوستوں نے نوٹ اور پھولوں کی پتیاں نچھاور کرنے کیساتھ مٹھائیاں تقسیم اور ڈھول کی تھاپ پر بھنگڑے بھی ڈالے ۔ نوح دستگیر بٹ کا کہنا تھا کہ میری کامیابی اللہ کا خاص فضل اور سب کی دعائوں کا ثمر ہے۔ اسی طرح دن رات محنت کرکے دنیا بھر میں پاکستانی پرچم لہرائوں گا ۔