مسلم لیگ ن کی قیادت عوامی مشکلات کے خاتمے کیلئے کوشاں ہے: معظم رئوف

گوجرانوالہ(نمائندہ خصوصی )مسلم لیگ( ن) کے سٹی نائب صدر ٹکٹ ہولڈر حلقہ پی پی 60معظم رئوف مغل ایڈووکیٹ نے کہا ہے کہ مسلم لیگ ن کی قیادت عوامی مشکلات کے خاتمے کے لیے کوشاں ہے عوام اور مسلم لیگ ن کا رشتہ کبھی نہ ٹوٹنے والا ہے ان خیالات کا اظہار انہوں نے سماجی رہنما نعیم مغل نعیم میڈیکل سٹور والے کی والدہ کے انتقال پر اظہار تعزیت کے بعد اہل حلقہ سے گفتگو کرتے ہوئے کیا سابق یوسی چیئرمین خالد مغل سابق کونسلر حاجی مقصود مغل چکی والے اور دیگر بھی ان کے ہمراہ تھے انہوں نے مزید کہا کہ مسلم لیگ ن عوام کے دکھ درد میں شریک ہے اور عوامی مشکلات سے بخوبی آگاہ ہے وزیراعظم شہباز شریف اور وزیراعلیٰ پنجاب مریم نواز ملکی معیشت کی بحالی اور عوامی مسائل کے خاتمے کے لیے اپنی پوری توانائیاں صرف کر رہے ہیں تاکہ عوام کی تکالیف کم کر کے انہیں زیادہ سے زیادہ ریلیف دیا جا سکے ۔