طلبہ کو رواں سال 24 ہزار  سکالر شپ دیئے جائیں گے

لاہور(لیڈی رپورٹر) طلبہ کو رواں سال 24 ہزار سکالر شپ دیئے جائیں گے۔ پنجاب ایجوکیشن انڈومنٹ فنڈز نے وظائف دینے کیلئے تیاری کر لی۔ انٹرمیڈیٹ کیلئے 8 ہزار ایک سو 69 سے زائد سکالر شپ دیئے جائیں گے۔ گریجویشن لیول کیلئے 8 ہزار 1 سو 69 سکالر شپس دیئے جائیں گے۔ ماسٹر لیول کیلئے 4 ہزار 85، ٹیکنکل بورڈ کے 468 سکالر شپ دیئے جائیں گے۔ دانش سکول اور سینٹر آف ایکسیلنس کیلئے اڑھائی ہزار سکالر شپ دیئے جائیں گے۔ دوسرے صوبے کیلئے 8 سو 35 سکالر شپ رکھنے کا فیصلہ کیا گیا ہے۔ انٹرمیڈیٹ کیلئے فی طالب علم 15 سو سے 3 ہزار ماہانہ دیا جائے گا۔ گریجویشن کیلئے اڑھائی ہزار سے 4 ہزار ماہانہ سکالر شپ دیئے جائیں گے۔ پروفیشنل ڈگری کیلئے 3 ہزار سے ساڑھے 4 ہزار ماہانہ دیا جائے گا۔ ماسٹرز لیول کیلئے 9 ہزار ماہانہ سکالر شپ دیئے جائیں گے۔