لاہور( لیڈی رپورٹر)پنجاب ٹیکسٹ بک بورڈ نے چھٹی،ساتویں اور آٹھویں جماعت کی 3 کتابیں اردو ترجمہ میں پبلیش کرنے کا حکم نامہ جاری کردیا ۔ سکولوں میں بچوں کو انگریزی زبان میں سنگل نیشنل کریکولم پڑھنے میں مشکلات پیش آتی ہیں، جس کی وجہ سے پنجاب ٹیکسٹ بک بورڈ نے چھٹی،ساتویں اور آٹھویں جماعت کی 3 کتابوں کو اردو ترجمہ میں پبلیش کرنے کا حکم دیا ہے۔ نئے تعلیمی سال سے مڈل کلاس کی تاریخ ،جغرافیہ اور اسلامیات ورک بک کا اردو میں ترجمہ کیا جائے گا۔ذرائع کا کہنا ہے کہ کتابیں اردو میں ترجمعہ کرنے کا فیصلہ بچوں کے امتحان میں نمبرز کم آنے کے باعث کیا گیا ہے۔